كلي سني لو شيعي ؟ كتله عراقي بصوت عالي..

كلي سني لو شيعي ؟ كتله عراقي بصوت عالي..

* كلي زين عربي لو كردي ؟ كتله من الفاو لزاخوا بلادي

* كلي من عنوانك اعرفك ؟ جاوبتة انباري وكوتاوي

صح بصراوي بس بالحلة وعماري واصلي مصلاوي..

* كلي لعد من اولادك اشخصك ؟ كتله ولدي عموري ودلشاد وحسين وابو بكر وعلاوي..

* كلي وين تصلي وهية اتبين؟ كتلة اصلي بالخلاني واتوضئ بماي الكوفة ومن النعمان اسمع اذاني .. و اول ركعة بموسى الكاظم وثاني ركعة بالكيلاني واختمها بكنيسة الكراده ويه اخواني..

كلي ليش منو انته ؟

كتله عـــراقــــــــــــي ...
مهما حاول المجرمون زرع التفرقة فلن يفلحوا فنحن عراقيون.