بحضنك يا وطن اغفه وانامن

بحضنك يا وطن اغفه وانامن

وبدونك ياوطن ضايع انا من ؟

ويسألوني احبك كلت انا من .
حبه مو لقب سويته اليه

2

بغداد العشگ صرتي ملكتي

ووحدچ للگلب صدگي ملكتي

شعري لو قبل غيرچ ملكتي

مثل شاعر فقد للشاعريه

3

ازعل ياوطن وارجع واراضيك
واحن ابغـربتي الناسك واراضيك
تفرج ما تظل طبعاً ورى الضيك
وترجع ياوطن بغداد اليه

4

عشگتك يا وطن وبلا مقابل
سواءً قابل انته لو مقابل

انه للموت من اجلك مقابل
لأن الخاطرك هيّن عليه

5

الگلب يمك حبيبي وانته هينه

اذا يعشگ لغيرك وانتهينه

عليه اتغار حقك وانته هينه

اغار اعليك من عندي عليه

6

صديقي اجرب ولكن ماعداني

ومشت وياه كلهه ما عداني
بوكت الخير ينسه ما عد داني
مرّه العوز دگ بابي عليه

7

هجرك حيل اذاهه والمهه

روحي وما رضت غيرك ولا امهه
وبكيفك بعد زعلهه والمهه

مثل طفله تريدك هيه هيه

8

يروحي من هواهم ماتكلي

عشگنه وشجنينه ما تگلي

يگلبي وشبقالي مات كلي

وباقي يحتضر بس صوتي بيه

أخ صقر
معزوفة راقية
سلمت اناملك ودام قلمك
تقبل مروري