هموم نعانيها

السلام عليكم اول شي احب اهناكم بمتدى اهل مدينتي الي هي
سامراء المنتدى رائع جدا وعجبني
ثاني شي ما نزلت ترحيب اعذروني يعني لئني دخلت متحمس على
موضوع اخت مريم الي هو على المغاوير
الموضوع مبين واضح جدا وشكرا على موضوعج
بس احب اقول الج اني من سامراء واداوم بل المغاوير
واني اكف من يجون الزوار واكف بمنطقت الحداحده
وبل المرابطات الي قصدتي بيه هم اني اكف مرابطه
يا اخت مريم يعني احنه ما عدنه شغل وعمل نكعد من ساعه
5 الفجر علمود نتحارش بل البنات هاااااااي وحده
ثاني شي انتو ماتذكرون المغاوير بل الزين دائما وعلى كلشي تذكروهم بشر
تعرفين ليش مو لئنهم مغاوير لئنو بيهم شيعه فانتو تطلع رواحكم من الشيعه
واني اداوم بفوج الرابع وياي هم وياي شباب من سامراء وشيعه خبط احنه
واهل سامراء الي اني منهم ماشكرو الناس الي خلصوهم من القاعده زين يعني كل هذا مو زينين
ثالث شي يعني احنه كل هذا التعب الي نتعبه وتكولون نتحارش بل البنات زين بل النسبه للدوريات كل يوم نطله دوريه بليل من ساعه 12 بليل الى ساعه 4 الصبح نفتر بل القادسيه وبل العرموشيه والخظراء والافراز مو كل هذا نسويه علمود تنامون رغد لو هم نطله نتحارس بل البنات يا اختي عيب هذا عرضنا وكلنه عدنه عرض زين واحب اكلج اكثر اني بيتنه بل الحداحده زين واسمي عمر عبد اللطيف زين يا اختي فكلنه عدنه عرض وخوات بس كل هذا الي دنسويه لمصلحتنه كل هذا لسامره يعني هسه سامره مثل قبل والله يوفقكم ويوفقك مدينتنه سامراء الحبيبه واعذروني اذا غلطت بشي وياكم بس الصراحه حلوه اعذريني يا اخت مريم اذا غلطت بكلمه اتمنا لكم التوفيق اجمعين ولكل اهل سامراء اجميعين شلع اخوكم يلا خلي اعرفكم بنفسي
اخوكم عمر من سامراء من عشيره الحداحده عمري 19 سنه المهنه حماة الوطن يعني مغاوير هيه الفضيحه بين الاعيون وسلامي للجميع