ابوذيات حلوة كلش

يـالجِنتْ مثل الكًمَـر تضوي وتشع بسماي
لو ردِت تحجي الصدك تحلِفْ قبـِل بسماي
هسـٌه تشـوف الدمع من ناظري بس ماي
شجاك شغيّرك وك يااقاسي عليّه

هلا باللي لهم ذكرى وبعيدين
بقرب قلبي وعن عيني بعيدين
علامك يا دهر مخلهم بعيدين
يحن قلبي إذا سلهم عليّه

أحبابي شلون حالتكم بعدنا
اشبدينا والوقت عنكم بعدنا
إذا انتم نسيتونا ترانا بعدنا
نذكركم كل صباح وكل مسيه

جذب من كال ياهواي مره شفتك
العسل لسه بشفافي من رشفتك
ولو صارت صدك و وي واحد مره شفتك
اموت واموتك انا بيديه