ابوذيات عراقيه

تشب بضلوع صدري يامناره
وليمته انطره يومناره
الك ثارات قبة يو مناره
لو باجي المصايب ياشفية؟

وحك من كون الاكوان وابسط
انه اسهل من نسيم الروح وابسط
جنت املك مخدة صوف وابساط
الاجوني فرهدو ذني من اديه

بعدك كمت اسوي اللوح ويبات
ولا اخلي دليلي يهين ويبات
الحزن وياي طول الليل ويبات
بفراشي ويسولفلي عليه

بنص گلبي لگعد حُبك وبيته
وبمرض فرگاك گَلبي وبيته
گلبي يعتبرك موطنه وناسه وبيته
والي يظل بلا وطن كل عمره أذيه

رخه گلبك عليه وراها
وأنه الميت لو ألـﭽـح عيونك وراها
روحك وين ماتروح روحي وراها
حس بيه يكفي صدك عليه

وشفاك

تگلي من حُبي فكيتك وشفاك
أنعليت منك ويمك دواي وشفاك
وصفتي آخذ بوسه من الخدين وشفاك
ومن آخذ الوصفه يشفه كل مرض بيه

وسنك

مايهمني نبعك الراهي وسنك
ولاتكشرلي بنيابك وسنك
رمح سواك عاذل وسنك
على گلبي ونبتك بيه

ﭽــانت أشواگي وياك جد ماظنيت وديه
وأدفعت لعيونك حياتي وعيوني وديه
وردت أحظنك بلهفه بروحي وديه

ومن مديت أيديه ماردن
وحرت ليش ماأجن وجواب ماردن
وأتضح شافن منك الويل وماردن
وإنك بصدك گطعت كَلبي ويده