المو صريح لايدخل رجاءً

السلام عليكم اخواني واخواتي الكرام ........

اليوم حبيت اقدم لمنتدانا العزيز شي جديد يضيف له نكه خاصة وهيه نكه الصدق وهية من صفات المسلم كما تعلمون والموضوع بشكل مختصر هوه سؤال من عضو وجواب من عضو اخر غير محدد وطبعا السؤال الذي يطرح يجب ان يكون لائق بسائله يعني تعتبر نفسك انته الذي ستسئل ولايكون السؤال جارح بحيث يسبب ايقاف الموضوع والا سنعتبر هذا السؤال ملغي طبعا احب انوه الى انهُ من الواجب ان نكون صريحين في الاجابة والا ماكوا داعي للاجابة ويجب ترك فرصة للغير .

وسابدء انا في اول سؤال

سؤالي يكول تكدر او تكدرين انه اتسولفونه اول كتله ماخذيه او ماخذته من الوالد والوالده وشنو كان السبب .

اخوكم مستر الزيزفون

كل عام وانتم بالف خير والصحة والتوفيق ان شاء الله وخروج المحتل من ارض العراق
طبعا اني راح اكون احد الصريحين اهنا راح اجاوب على سؤالك
جوابي يكول يا اخي
انه اني ثالث ابتدائي تدرون انتو كبل جان الوالد ايسوي قاصات اصغار علمود انجمع بيهن والله سوالي وحدة ما اطول عليكم
كمت اجمع بيه افلوس مرت تقريبا سنة على التجميع مالتنة المهم كال تعال شكد صار عندك افلوس كتلة يابة اهواية يمكن تشتري بيت هههه
طبعا هوة خطية الوالد مجان يدري انه اني اسحب من القاصة بالمنكاش من الشك الي بالقاصة ههههههه
والله فتحه لكة يمكن 250 دينار كال هاي وينهن كتلة يابة والله بكتهن ههههههه من حالت عينة تدورون اسوة بية راح اكلكم بس لتنقهرون علية
علكني بالنجنكال مال البنكة راسي جوة ورجلي فوك واخذ كل اهلي لبغداد ورجع ثاني يوم يلة نزلني هههههه بس شكد حلو من جنت معلك راسي صارة برميل انفخ من الدم وشكرا بس لا طولت عليكم يلة
اخوكم صـــــقر ســـــــامراء

زين طبعا بما انه قوانين العبة هيج راح اسئلكم سؤال وسؤالي يكول
كم مرة ضحكت اونصبت على بنية او كم مرة حبيتي بس انتي تضحكين علي ولماذا تفعلون هيج وما اسماء البنات الي ضحكت عليهن واما اسماء الشباب الي ضكتي عليهم
وشكرا اخوكم صـــــــــــقر ســــــــــــــــامراء

السلام عليكم اخوية صقر والله عمي الله يساعدك على هيجي كتلة بس تكبر وتنسة وبعد لاتسويه حباب

المهم اني اريد منك طلب يعني اذا اني مو ضاحك على بنية اشلون واني مااكدر انتظر حتى اسئل الي وراية طفرت روحي ......... بس عندي اقتراح راح اكلك على اجمل حب جان بحياتي يمكن احسن وراح الخص حبي بكلمتين وهنه (( اسكر واريد انساك واشرب وذكرك : مو بالعظم ويطيب بالكلب كسرك )) اسامي طبعا تعذرني ^*^.

هسة سؤالي للوراية ايكول انته او انتي شسم محل الحلاقة او الصالون الي تحلقون او تشسورون بي

طبعا انت كلش صريح والمعنى في قلب الشاعر اما بنسب لتحبه الي اختصرتة بيت شعر الله يساعدك
اطبعا سؤالك كلش حلو وسهل والجواب يكول اني احلق يم واحد ايسمو علي ابن نجلة هههه طبعا حافض اسم امه هوة مشهور على الصعيد العالمي وشكرا

وسؤالي للوراية يكول من تجد او تجدين احب اليك والدك ام والدتك اروجو الصراحة في الاجابة ولماذا

اخوية صقر سلام عليكم الضاهر الجماعة كله تخاف من الصراحة بس اني راح اجاوب لما يجون والله كريم .......... يالله

اخوية صقر من هو اقرب الى قلبي اممممممممممممممممممممممم

هووووووووووووووووووووووووووووووووووووووووووووه

هويمكنننننننننننننننننننننننننننننننننننننننننننننننننننننننننننننننننننننننن

انزلوا بعد شوية ...............................................

لاتضوجون بعد شوية جوة .....................................

اي عرفته ابوية الحمد لله جاوبت يمكن شلعت كلوبكم اتحملونة ^*^

سؤالي للوراية هاي المسلسلة التركية مهند ولميس شفتهمت منه وشنوا جان موضوعه .

السلام عليكم
شلونكم اخواني واخواتي
ان شاء الله باحسن حال
بالنسبة للمسلسلة التركية نور هي حسب فهمي انه نور كانت مضحية
يعني ضحت بالبداية وتعبت
وبالاخير حصلت عالسعادة
بس بصراحة همة طوخوها اكثر من اللازم لان ماكو وحدة هيجي تتحمل
ولميس معناها هاي السنين اللي قضوها يعني خسرو بعضهم كتير
يعني ضاع من عمرهم وبعدين تصالحو
وهم طوخوها يعني كل هاي المشاكل بيناتهم يتصالحون وستزاعلون عبالك لعبة
هو الحب مو لعبة
طولتها عليكم بس هاي المسلسلات مو النة
ولا موجودة بالواقع العربي

وسؤالي هو اذا اجتكم فرصة عمل رائعة خارج وطنكم هل راح تقبلوها وتتغربون لخاطر هاي الفرصة ؟ او ترفضوها وتفضلون تبقون ببلدكم؟ وليش؟
طبعا السؤال للبنات والولد

مشكور خيو مستر على الطرح الرائع

وشكرا على صراحة الجميع

وصراحة صقر صراحتك هواية عجبتني واحد غيرك ما يكول هذا الشي

الله يخليك لاهلك ان شاء الله

ومستر الله يحفظك لاهلك ويخليلك الاهل وخاصة (الوالد)

على فكرة اني احب الصراحة كلش بس كنت مشغولة

وجاوبي هو : اذا اجتني فرصة عمل خارج بلدي وحتغرب علمودها حيكون قبولي او رفضي حسب نوعية العمل اذا هذا العمل يعود بالفائدة لوطني ومدينتي بالاخص اقبل واضحي علمودها

واذا الفائدة راجعة بس الي ارفضها وبكل ثقة لان هاي يا فلوس ويادنيا اللي حتعيشها وانت بعيد عن اهلك واحبابك واعز اصدقائك ووطنك اللي انت عايش علموده

و 100 فرصة عمل تنتظرني داخل بلدي يكفي انه نكون مصدر توعية العديد من الشباب داخل بلدك

اسفة على الاطالة

وبرعاية الله

وسؤالي هو :

ما هو هدفك بالحياة ؟

وانتبه الهدف الاساسي والحقيقي اللي انت عايش علموده

بعا انكول صباح الخير بما انه الجوة اشتعل بينيران الصراحة ولا شي يوقفه
واشكرج جدا على ذوقج بنوتة وربي يخليج

طبعا هدفي هوة

انزلو بعد اشوية

اشربو الجاي ليبرد

طبعا اكيد ضجتو راح اكول بس انزلو اشوية

الهدف الرئيسي هوة طرد المحتل من ارض العراق وارجاع الامن الحقيقي الى مدينتانا خاصة والعراق عامة وشكرا

طبعا حرت وحتار الوكت بية حرت شسئلكم شباب وبنات لكيت سؤال ويكول
ماهوة اكبر موقف مريت بي في حياتك وليش

السلام عليكم
والله سؤالك ذكرني بموقف مريت بي
وهو مرة من المرات اقرب الناس الي غدرو بية
بس بعدين الله طلعهة بيهم
والسبب لحد الان ماعرفته بس يضهر همة هيجي اي شخص يحبهم يبعدون عنه

زين سؤالج وين لازم تكتبين سؤال خالة ههههه لتنسين

اخوية صقر السلام عليكم انته وبنت سامراء وسامرة وبس واسمحلي ان اسئل اني بمكان خيتي

وبما انه انته ادور سؤال اني راح اسئلك وكلك جاوب عود خيووو ^*^

السؤال : انته وبال الكلية وجتك بنية اتخبل مثل ميكولن حاته ( مو حاته بيت الله
المهم وكلتك هلوووووو حبيبي ( وجوزي وككوي

وانته بحياتك محاجي وياه ولاتعرفه وبهاي اللحظة تجي الغالية مالتك الحب وكلتك هاي اشرادت منك لو هسة بعد مااحجي وياك
شراح اتسوي بهذا الموقف .

وسالمين خيووو

هههههههههههههههههههههه شدعليلك مستر امري لله الواحد القهار راح اجزابك

ليش شاد وياي بهيج اسئلة

ترة اني ختية

وفقير والوحيد لهلي

راح اجوابك بس لدكووول لحد هع انزل لجوة

اي يابة اذا الي اجتني حلوة احلة من الحب مالتي اكيد اعوف الجب وجنكل وياه والله الصدك غير اذا الحب مالتي واثق من عندي ويفتهمني يعني راح متسئني هيج سؤال واما اذا سئلت يعني ماعده ثقة بحبيبه هية الخسرانة لان العلاقة راح اصير بخطر وشكرا

سئوالي هوة الك يا مستر الزيزفووون

يكول انت اذا كنت مزوج وانت جنت منسق وية وحدة وانت طالع وياه تتمشة وية الحب يعني مرتك صارت اكبالك وجها لوجه شراح اتسوي الله يعينك ههههه

السلام عليكم والرحمة

شلونكم ؟؟؟

بما انه السؤال الاخير مو موجه إلنا فإحنا معفيين من الجواب

والله يساعدك مستر على صقر

ههههههههههه مو تزعل صقر شحالنا بلا صقر سامراء

المهم ...

سؤالي هو : اذا كنت تدرس باختصاص معين وهذا الاختصاص مايعجبك وانت ما تكدر تنجح بيه او تنطي حقه
تتحول الى اختصاص اخر يعجبك حتى لو كانت دراسة مسائية لو تبقى على حالك

طبعا هذا السؤال للكل واتمنى الكل يجاوب عليه

الله يوفق الجميع
وبرعاية الله ...

السلام عليكم بنت سامرة ترة اني ختية علكيفج وياي خلي اخلص من مستر عود ميخالف انتي ورا المهم
الجواب على سؤالج

الحقيقة هوة صعب جدا

ممكن بس لحضة افكر انزلووو جوة الرد موجود

اي فكرت بعد عناء طويل

خلي بس اشرب ماي لحضة

يلة الجواب هوة اكيد احول على القسم المناسب الي احبة واكدر انجح بي ليش تدرون لان الي يريد شي يعوف شي حتى اذا مسائي

سئوالي طبعا الله يعينكم علي الي هوة يكول اذا حبيت وحدة او حبيتي واحد وهذا الحب واصل الى درجة الجنون ورحت او رحتي فاتحتو الحب مالك وردا جان لا شنو راح يكون موقفكم او شراح اتسون

السلام عليكم والرحمة

طبعا اسئلتك ياصقر كلها على نفس الموضوع الحب

غير شوية

وجوابي هو : اني ما راح احب واحد الى حد الجنون اذا هو ما جان اصلا يحبني ولنفرض حبيته الى حد الجنون مثل ما كلت

وهو لا اكيد راح انقهر كم يوم بعدين اتندم لان في يوم من الايام حبيته واقلب حياتي 180 درجة واشوفه انه اني بلياه افضل من وياه اتمنى تكون وصلتكم الفكرة

طبعا هذا مجرد رايي لان ما مريت بهيجي موقف بس اعتقد هو هذا الحل الصحيح

الله يساعد الجميع ويهدي الكل

يحماية الله

وسؤالي هو : هل انت برأيك منطي لابوك وامك حقهم يعني اطاعة وبر للآخر لو تصرفك كأي شخص
كانما ضيف داخل المنزل ؟

صقر سامراء كتب:: سئوالي هوة الك يا مستر الزيزفووون

يكول انت اذا كنت مزوج وانت جنت منسق وية وحدة وانت طالع وياه تتمشة وية الحب يعني مرتك صارت اكبالك وجها لوجه شراح اتسوي الله يعينك ههههه

السلام عليكم اخوية صقر اسف على التاخير بس تعرف مشاغل الحياة بس هم راح اجاوبك ادلل

الموضوع ايكول الي مو صريح لايدخل مو بس اجاوبك
اولا اني مامريت بهذا الموقف لان احب زوجتي
واذا مريت بهيجي موقف بذاك الوكت اعتقد مراح تكون زوجتي بذمتي لان بصراحة مااحب اكون خايف بشي اسوي فما اعتقد راح اطلع وية وحدة مو زوجتي الا الهم بنت عمي بنت خالي للضرورة
واتمنى اعطيت حق السؤال من الاجابة وتدلل .

بنت سامراء كتب:: وسؤالي هو : هل انت برأيك منطي لابوك وامك حقهم يعني اطاعة وبر للآخر لو تصرفك كأي شخص
كانما ضيف داخل المنزل ؟

اختي العزيزة

طبعا احب اجاوب على سؤالك
واكول والله اني شما راح اسوي لاابوية مراح اجازي والي يحز بنفسي موقف مراح انساه للموت واتمنه الله يسامحني علية انه والتي كانت رايحة اتسوي عملية ورادت تشوفني قبل متسافر بس ماكنت موجود وضل بخاطره المهم سوت العملية ودهورت حالته وصارت بيه جلطة دماغية فخابروني من المستشفى ورحت ثاني يوم طبعا موقف صعب الوصف بس والتي كانت فاتح عينه شوية فلما شافتني ابتسمت وره ساعة سلمت روحه لرب كريم اتمنه الله يسامحتي وووالتي الله يرحمة لان قصرت بحقة واشكركم وبالخصوص بنت سامراء واسف اذا ازعجتكم بطول الاجابة

اما سؤالي للبنات والشباب يكول
تعتقد انه انتوا محبوبين من قبل الغير لو تحسون بنفسكم معقدين والاخرين يكرهوكم وبنفس الوقت هل انتوا راضين عن انفسكم .

بنت سامراء كتب:
وسؤالي هو : هل انت برأيك منطي لابوك وامك حقهم يعني اطاعة وبر للآخر لو تصرفك كأي شخص
كانما ضيف داخل المنزل ؟

السلام عليكم
اكيد مراح اكدر انطيهم حقهم لان همة الي ربوني وكبروني او كما قال الرسول عليه الصلاة والسلام معنى الحديث
ايكول لو اخذت امك وابوك الى مكة حج يعني وشايلهم على ضهرك اطوف بيهم الكعبة هم مراح تجازيهم او تعطيهم حقهم فلو عشنة الدهر كله راكعين تحت اقدامهم مراح نعطيهم حقهم ارجو انه ما طلت عليكم بالاجابة واعطيت للسؤال حقه وشكرا

ستر الزيزفون كتب :
تعتقد انه انتوا محبوبين من قبل الغير لو تحسون بنفسكم معقدين والاخرين يكرهوكم وبنفس الوقت هل انتوا راضين عن انفسكم

السلام عليكم
اكيد طبعا احنة راضين على نفسنة لان ما مسوين شي غلط وبمانه احنة الله راضي علينة معلينة بالناس لان اكو ناس تحبك وناس تكرهك يعني مو كل اصابعك سوة
وشكرا

سؤالي يكول للكل انتم ترون مذا يفعلون الغرب ضد الرسول عليه الصلاة والسلام من صور استهزاء بشخصيتة الرسول عليه الصلاة والسلام مذا تفعلون لي رسول الاعضم محمد عليه الصلاة والسلام من اجلة مناصرته واعطاء كلمت الحق للمخربين
وشكرا

السلام عليكم والرحمة

اخوية مستر شكرا على جوابك الصريح وردك المميز اللي حيأثر بهواية شباب هم غافلين عن اهمية هذا الشي اللي هو طبعا رضا الوالدين
وانت سويت اللي عليك والباقي على رب العالمين واوصيك بالدعاء للوالدة وكثرة قراءة سورة الفاتحة على روحها
ورحمة الله على روح والدتك
والله يخليلك الوالد وتعيشون بسعادة وامان ان شاء الله
...
وخيو صقر شكرا على ردك الواقعي وكلامك صحيح احنة مهما نسوي ماراح نكدر نوفي اللي علينا اتجاه اهلنا
وان شاء الله الله يكدرنا على نول رضاهم
...

وجوابي على سؤالك مستر :
اعتقد آني محبوبة من قبل الغير وخاصة اهلي وصديقاتي وان شاء الله احافظ على هذا الشي ... اما بخصوص الرضا عن النفس لالالا آني ما راضية عن نفسي لأن احس لحد الآن ما نفذت امر الله بأن نكون خليفة في الارض وما قدمت شي للأمة الاسلامية او لبلدي
واتمنى الله يكدرني على اصلاح الامة وتحرير بلدي
ان شاء الله

آسفة للأطالة

اما جوابي على سؤالك اخي صقر
المفروض احنة نكون اول المناصرين للحبيب محمد (صلى الله عليه وسلم )

واول شي بالصلاة عليه دائما
ونعمل بكلامه واوامره ونوعي اللي حولنا على مناصرته ونظهر الحقيقة للكل
ونحاول نتبعه بكل شيئ ويكون قدوتنا بكل شي ايضا

اعتقد هذا اللي نكدر نسويه
طبعا مو بس كلام المفروض قول وفعل

اخوية شكرا على السؤال المهم واتمنى يبقى ببالنا على طول

وسؤالي هو : ما هي اصعب لحظة بحياتكم ؟

السلام عليكم والرحمة

كيف حال الجميع ؟

اتمنى للجميع الموفقية والنجاح في الحياة العلمية والعملية

واتمنى نسمع اخباركم الطيبة

وتحياتي لجميع الاعضاء

واعذروني لانقطاعي بسبب الدراسة

بحفظ الله وين ما كنتوا

اختكم بنت سامراء

السلام عليكم اخواني واخواتي الكرام ........

اسمحوا لي اليوم المشاركة بهذه المواضيع والاسئلة الصريحة والاجوبة التي تدل على صدق اصحابها

عما عن سؤال الاخت المشرفة بنت سامراء

ماهي اصعب لحظة بحياتي هية مفارقة من احببت واتمنى ان لايمر بها اي احد .

وسؤالي هوه هل انته او انتي من المغرورين واي اذا كان الجواب بنعم فاي نوع من الغرور الذي تتمتلكهُ واما اذا كان الجواب بكلا فكيف عرفت .

اعذروني لمروري البسيط ولكم مني كل الحب والاحترام المشرف العام للمنتديات

زائر

اخي الفاضل...

انرت الموضوع بمرورك المميز

واشكرك على صراحتك

وجوابي على سؤالك : طبعا سؤالك صعب بس حجاوب عليه ... الحمد لله آني مو مغرورة لأن اعرف نفسي كلش زين والغرور صفة سيئة

بس ثقتي بنفسي عالية والمفروض الواحد يفرق بين الثقة والغرور لأن الكثير يخلطون بين هذه الصفتين

واتمنى ابقى متواضعة مهما وصلت لمستويات واتمنى لكم هذا الشيئ ايضا

اخوية شكرا على السؤال الروعة ...

وسؤالي هو : هل انت او انتي خليفة في الارض ولديكم بصمة انتماء للأسلام ام مجرد اسم بدون بصمة ؟

اسفة للإطالة queen

السلام عليكم والرحمة

علمود ما تحيرون هواية منو هي او هو samarra

آني samarra رديت بصفتي زائر

فكرة وإجتي على بالي

...

يلا وينكم حاولو تتواصلون لأن المنتدى بحاجة الجميع وينور بوجودكم

عاشت اياديكم على الموضوع الجميل هذا ولو بيه ورطات

اما بالنسبة لسؤال اختنا بنت سامراء

موضوع تركنا بصمه او لا هاية علمها عند الله ما ندري بس احنا نسوي اللي علينا وسبحانه وتعالى يقدر النا

اما سؤالي للي يجي بعدي
شنو امنيتك اللي تحققت وشنو امنيتك اللي ما تحققت

السلام عليكم اسف على الانقطاع بسبب بعض الامور الهامة

المهم راح نتواصل وياكم من اليووم

ارحب بالعضو والاخ الجديد في المنتدى الكليدار واتمنى الك التوفيق حبي

اما الجواب على سؤالك هوة

اول امنية اتحققت الي هية اني اتمنيت اروح لزيارة بيت الله الحرام واتحققت الي ورحت واتمنى الكل يزورون البيت المقدس وامنية الي ما تحققت وان شاء الله تحقق هية خروج المحتل من ارضنا

وشكرا اسف على الاطالة

سؤالي للوراية يكول : ماهية اقوى صدمة انصدمته من صديق الك وشنو السبب وليش

وشكرا اخوكم صــــــقر ســـــــامراء

السلام عليكم

جواب السؤال اقوى صدمة هية مفارقتهُ لي بسبب سفر الى خارج العراق وليش اعتقد بسبب الظروف الامنية التي كانت موجودة بالمدينة .

سؤالي للوراية يكول هل انتي او انته متزوج وقبل كم سنة .

السلام عليكم الجواب على سؤالك اخي مستر اني غير متزوج والحمد لله

وشكرا تحياتي الكم

سؤالي يكول

طبعا هوة سؤال كلش سهل

وبسيط جدا للاجابة عليه

انزل جوة السؤال موجود

اكيد ضجتوووو مني بس يلة اشوية بعد لجوة

سمعتوووووووووو اخرررررررررررر خبررررررررررررر ؟؟؟؟؟؟؟؟؟؟

وعليكم السلام ورحمة الله وبركاته...

شلونكم جميعا شو اخباركم ؟ عيني شدعوة كولوا احنة مشاركين بمنتدى لازم نشوفه نتفقد احواله محتاج موضوع رد اي شي
المهم

جوابي على سؤال خيو صقر : آخر خبر سمعته آني مو زينة بالامتحان بس بعد ما استلمت الورقة لحد الآن واعصابي انتهت من ورة هذا الامتحان ... ادعولي الخبر يطلع مو صحيح

والله يوفق الجميع ان شاء الله

وسؤالي يكول : احلى موقف مريت بيه بالمكان اللي انت تعمل بيه (جامعة ,اعدادية , شغلك الخاص,...) خلال هذا الشهر

وبحفظ الله جميعا...

السلام عليكم شونكم اخباركم
طبععا جوابي يكول ولو ما مر علية موقف حلو بخلال هذا الشهر في مكان عملي لان كلة شغل وتعب ياعني مصار بية موقف
احسن مو بلة ههههههههههه

سؤالي يكول ما يكون ردك اذا انت او انتي كاعد تتمشون بالشارع وصادفتكم الكامرة الخفية ونصبو عليكم ما يكون رد فعلك ههههههه

وعليكم السلام ...
إحنة بخير انت شلونك ؟

اولا :جوابك مو مقبول حاول تسترجع المواقف زين

ثانيا :حجاوب على سؤالك طبعا إذا صادفتني كاميرا خفية ولو ماراح تصادفني وآني بسامرة المهم
اول شي ماراح يكدرون ينصبون علية بالعكس آني انصب عليهم حدوخهم واصدمهم فراح هم يكونون الكاميرا الخفية واضحك عليهم هههههههههههه

زين إذا انت صادفتك ؟ شو بتعمل ؟

بحفظ الله ...

هلووووو اني الحمد الله
والله ماكو موقف مر علية
وجاوبج فراح اكلج هاي شنووووو انتي بربر شاطر لو كلندايزر هههههههههههههههه
اما جوابي مسئلة عادية اتعارك وياهم

وسؤالي يكول الج يا بت سامرة انتي ليش شادة عداوة وياية ؟؟؟؟؟؟؟؟؟

هلا بيك اخوية صقر ...
بالنسبة لملاحظتك الصغيرونة آني بربرشاطر وكلندايزر و... وأهم شي بنت سامرا ء

اما بالنسبة لإجابتك مال تتعارك جنت متوقعة هيجي شي بس ليش المفروض تستقبل مثل هيج مواقف بروح رياضية( خليك ريلكس)
...
اما سؤالك فمااعرف شأجاوب عليه تعرف ليش لان السؤال مو صحيح ... برأيك يصير بنت سامراء تشد عداوة وية صقر سامراء و الاثنين من سامراء زين ليش اشد عداوة وياك؟ ... اما إذا قصدك على اسلوبي وطريقة كلامي وياكم فآني معتبرتكم اخوتي عن جد فأحجي وياكم على هذا الاساس

اتمنى تكون وصلتك الفكرة ...
بحفظ الله

مساء الخير على الكل
(( وخاصتا صقر وبنت ))
لان امبين كلش منسجمين بيناتهم بس عندي سؤال اشلون راح تصفة بينكم تكدرون اجاوبوني بصراحة وياريت بدون مجاملات .

مساء النور خيو ...

ههههههههههه والله آني ما علية هو اللي شاد عداوة وياية ما أعرف ليش

وآني بالعكس كلش حبابة وياه بس هو يتبلى علية ...

وخلي هو يجاوبك يمكن الحل عنده ...

وسؤالي يكول : شنو سر غياب اخوتي وخواتي عن المنتدى ؟ وهو بحاجتنا كلنا وإحنة اصلا بحاجة بعض

وصدكوني وجودنا مع بعض يخفف هواية من تعبنا وحزنا اللي نعانيه بحياتنا اليومية ونكدر نساعد بعضنا بحل مشاكلنا

بس للأسف انتوا ماكو Crying or Very sad

واتمنى اوصللكم اللي بالي بس اللي بالي هواية

وان شاء الله تتواجدون دائما في منتدانا وبيتنا الثاني

بحفظ الله جميعا ...

هلوووووو شلونكم اخباركم هاي شنووو تحجون من وراية ليش هيج مو اني احبكم يلة ميخالف

هلوو بنوتة هلووو حبي الادمن ليش هيج حبي الادمن يلة سمااح هلمرة الادمن
راح اجاوب على سؤال الادمن اول شي
حبي مع كل احترامي الك وتقديري اني متصافي وية بنوتة اول شي احنة مسلميلي وعراقيين ومن مدينة وحدة ما معقولة اشد عداوة وياه بس اني مثل ميكوول ابو المثل من حبك لا شاك lol!

مو حبي
اما على بنوتة فاني صراحة احس تفكيره وطريقت كلامه مشابه الى تفكيري فلهذا احب اقسي شوية عليه بالاسئلة هههه
انتي اكيد حبابة بس اني شكول اني مو بس حباب اني حباب ومحبوب وفقير وبيتنة بالخير والوحيد لمي ومسوي سلفة استلمه نهاية الشهر ههههههههههههههه
اما سبب غيابنة يا بنوتة عن المنتدى فهوة اكيد شي معروف انه كلمن وعندة شغل ولتزامات واكيد منتدانا هو بيتنا الثاني واحنة متواصلين بس الضروف تحكمج ان تواصلين بشكل دائم اهنا بس الله يقدرنا ويساعدنا على التواصل
واتمنى للكل الموفقية في كل شي
وشكرا

السلام عليكم اخواني

ممكن تتقبلوني بنصكم هع..
همزين محمد موجه سؤال الي
بس اسأل الي بعدي ..
ممكن تعرفلي الـــحــــب
حسب تعريفك وفهمك الخاص للحب
بس ها مو ايوجه الي نفس السؤال
تحياتي..

اخي العزيز الظاهر انته اتحب اجاوب على هذا السؤال واني استشفيت هذا من شخصيتك الرومانسية ومحد باستطاعته الرد غيرك وبارك الله بيك .

ملاحظة لاتقبل الاعذار

اهلاااااااااا حبيبي ADMIN كيفك ؟
طبعا اني موجه السؤال للي بعدي يريد يجاوب
وانته وكعت بيها يعني لازم اتجاوبني على سؤالي
هو مجرد مفهومك للحب يعني مو جواب صح او خطأ
وطبعا اريد اعرف درجة الرومانسية عند الادمن مالتنا هههه
يلا حبيبي جاوب واذ حبيت تسأل سؤال للي بعدك راح تلكاني اول من يجاوب
تحياتي ..