ابوذيات اهل العراق

همي من كـــثر يذبل وراها

ونار القلب مــا يخمد وراها

كل شده يـــهل وادم وراها

فرج ، والفرج من رب البريه

0000000000000000000000

الصديق اللي نشوفه نقي ونظيف

نود كل يوم نبدي اعليه ونضيف

على طيبه نجمل طيب ونضيف

بكثر معنى الحـروف الابجديه

000000000000000000000000

اريد اعبر بحــر دمعي وفيه

وعليج اكطع الــف فيه وفيه

ابشمس حبج انه معذب وفيه

وما عندج وفه واسـمج وفيه

00000000000000000000000

حبيبي شيوصلك وانـت ثريه

نشف دمعك وانه دموعي ثريه

رغم عسري تظل نفسي ثريه

بظلام الليل اوجن لـك ثريه

ولن قلبك بلا رحــمه ثريه

000000000000000000000000

لويت الدهر مافد يـــوم حنيت

وديا من دموع العــــين حنيت

ييمه اوداعتج هالـــــيوم حنيت

أوشلت نار الدمع بجفوف أديه

00000000000000000000000
انت الشمس وانت البدر منهل

وشفافك طعم العســـــل منهل

قلبي بس إلك ياتــــرف منهل

الورد من تمر ياخـذ لك تحيه
00000000000000000000000

بعدني ألف وسفه الوكت عنك بعدني

أموت أو أرتجي وصــــــلك بعدني

أوتراني عالعهد باقـــــــــــي بعدني

تراك أنت النظــــــــــر والحيل بيه