ذكرتك ياعـــراق وكلبي موجــوع ...

ذكرتــك ياعراق وكلبي موجــوع

غركت بدمعي من ســاسي لراســي

ولان لترابـك انـــه هـــواي مشتـــاق

تجمـــد دمـــي وانكطعــت انفاســي

حظـــك مــاكــعــد ويــه اليحـكمــوك

لان كلــهــا تنـــام اعلـى الكــــراسـي

مثل مركب صفيت بلايــه الشـــراع

تـــودي الريــــح بيك بلا مـــراسـي

انـي من هجرتك ياعـــراق الخيـــر

صــــرت بلايــه قيمـــه ابيـن ناســي

صــرت امشي وانزل راسي خجلان

وانـه الجــان باسمــك عالــي راســي

لكـــن لا تظــــن انســاك انــه بيـــوم

لان ادريـــك اليـــه مــا انتـــه ناســـي

احبك ياعراق وخلــــي كلشي يصــير

لجــلك اجـــرع الغربـــه واقاســــــي

مــن طيــن الفرات خلقني رب الكـون

ورد بمـــاي دجـــلـــه رش اساســــي

وكمـــــل صورتـــي وســـواني انســـان

وجعل حبـي الـــــك سادس حـــواسي