نورنة هاي البوذيات روعة

اجيك ازحف مااتعب ولفحط
وبنص الكلب ياوادم ولف حاط
الف حارس لو خلو ولف حاط
اجيلك واليصير يصير بيه

هاك خيوط كلبي هاك ابرها
ولو صاير بحرها ها برها
الك حسره بدليلي هاكبرها
شوكت اشوف واحط ايدك بديه

جره دمي على خدودي مراحل
وبعد حبك بنص كلبي ماراحل
اذا ناوي الهجر ابدي مراحل
موغفله وتسد بابك عليه

اذا اترك ودادك واتنازل
احرك جدي الاول وانته نازل
بعد وين ارد احطك وانته نازل
وسط كلبي وبعد اقرب اشويه

سكاني الدهر من فركاك بس مر
وشهد ماشفت من دنياي بس مر
رمش عيني افرشه ابساط بس مر
ترد الروح من تسال عليه

عذبني هموم اليل ولحن
كلبي من الحزن غنه ولحن
وحبيبي منكسر كلبه ولا حن
الفرح للغير والهم بس عليه

حبيبي اصبر ارد اكلمك ولك بس تان
يبو وجه الكمر والشعر بستان
اطلبك قبل سنتين بوستان
وعليهن فائده بكل شهر ميه

لسانك لو يحبني شاطر اني
واكره الذي بحبك شاطراني
اخذت 100 بمحبتك شاطر اني
اذن غصبن عليك اتصير اليه

قلم قلبي تداين ورقة منك
وابد ماكو بجمالك وارقه منك
اسجلك انت الاول وارقمنك
واكتب لافته محجوز اليه

اريد اخفر وسط الكلب بيران
انا العطشان وانا بوسط بيران
وحق الرضا المدفون بيران
ما اعوفك شما يمر الدهر بيه