يمتة ارتاح

يمته ارتاح

شصبر والصبر ا صاحبي جم دوب
واشوفن هل عمر كدامي شمعه يذوب
مايوم انعدل شو بختي بالمكلوب
ويادرب اخطي بيه الكه الشرك منصوب

ووسط سماي هلال العيد ابد مالاح
يمته ارتاح

...............................................

ماضكت بحياتي الراحه كله هموم
عقيمه ايامي ماشفت الفرح فد يوم
صبخه الروح ما مره لفتهه اغيوم
تصب بكاس غيري العسل دنياي وتصبلي سموم

ومن اتطيح هاي الروح تتجه اعلى سن ارماح
يمته ارتاح

.................................................. ....

يايوم الحمل عن الجتاف يزول
ويايوم الكلب للي يريد اينول
صرت مثل السمج انذم وانه الماكول
وباب الفرح بكليبي غده مقفول

وببحور الهظم شو ضايع المفتاح
يمته ارتاح

.................................................. .

يمته ايطل علي مصباح
ويمته اتعاود الافراح
ويمته ايخضر بهرش الكلب سباح
ويمته الدنيه تضحكلي وتذبلي وشاح
ويمته انساه فرك الراح
ويمته الحزن من هذا الكلب ينزاح
ويمته اتعاود الافراح
يمته ارتاح
اريد ارتاح

تحياتي الكم