كوه على كلبي دست

السلام عليكم شباب
عندي قصيده بس بيه شي غامض بس المجروح يعرفه المهم هايه الكم ولكل محب
(كوه على كلبي )..........للشاعر عادل محسن

گوه على گلبي دست .. گوه على روحي قسيت
وك مو هينه اجي بدمعتي ..واوگف اباب البيت
دگيت بابك خجل .. وبلا خجل دگيت
وارتجف بيا الجدم .. وعلى الهوى اتوچيت
وفتحت بابك الي .. سلمت مارديت
وسمعتك تگلي بهمس ياليت لو ماجيت
معذور تكون قلقت هذا القلق مشروع
اني ادري جيتي الك تخلق الف موضوع
على الخالي صدگ الك ماجيت يالمحبوب
انا مرتني لحظه ضعف وحسيت كلي ذنوب
ردت الله يغفر الي بس بيمن اتبارك
غمضت عيني وغصب جابتني يم دارك
لاترتجف ياحلو شامخ جبل خليك
ولاتهتم بالي مضحكك اهتم بالي مبچيك
تدريني هالساع وش شفت ؟؟ وش عشت ؟؟ وش عانيت ؟؟
ادركني وكت العشه وبعبرتي اتعشيت
لاگيتني وترتجف ثاريك بس اتصيح ..
وزيدت حزني حزن لو ادري ابد ماجيت
قف ياحبيب الگلب واسمعني اترجاك ..
وك لو تدري ليش اعتني .. ولو تدري ليش اهواك ؟؟
لولاك ما انجرح وعيوني ماتبچي ..
ولولاك ماخرست .. وبعالي صوتي احچي
ولولاك ماتيهت وامشي وره اليمشون ..
ولولاك ماطفحت ..واحچي ورا اليحچون
ولولاكك ابقه صلب .. ماتمرني اللوعه
وعيوني مثل الحجر ماتعرف الدمعه
وتگلي شنو هل الوزه وشجابني بهالليل ؟؟!!
رغم الجرح بيه جرح .. والحيل مابي حيل..
ورغم النهار انگضى والدنيا صارت ليل
صح جيتي محرجه وصح جيتي اتخجل
مغصوب اجي بهالدرب .. ومن شامت اتوسل
چي عيني لما بكت محدينشف بكاي .. والروح طير اعطشت وتريد گطرة ماي ..
ويه الغريب الي يمر ياوسفه اتساويت .. ومخذول انا دنگت .. وبدمعتي ترديت ..
وتريد اوضح الك شيهمني هذا البيت ؟؟ اتريد اگلك بعد شيهمني هذا البيت ؟؟
اهنا طفولة ادفنت بيها اندفن علمي
واهنا بقى دفتري واوراقي وقلمي ..
واهناك منيتي .. واهناك حضن امي ..
واهناك باقه ورد مكتوب بيها اسمي ..وهناك كومة حجر سويته بيت ابيوت ..
واهناك قلبي انولد وهناك شفت الموت ..
وتريد اوضح بعد ليش اعتنيت وجيت ؟؟ ضل هيج لاتعتذر مهما الي اشتاگيت ..
وميهمني انته اتعبت وميهمني انته بچيت صح بالگلب رحبت .. بس بالوجه صديت
وشيفيد امرلك بعد .. لو بالوجه صديت ؟؟؟
اخوكم الزيزفون